Шахмат. Абдусатторов 4та ўйинда ғалаба қозониб, Карлсенга ютқазиб қўйди

Қозоғистоннинг Олма-ота шаҳрида бугун шахматнинг рапид йўналишида жаҳон чемпионати старт олди. Швейцарча тизимда ўтказилаётган мусобақада бугун спортчилар 5тадан ўйин ўтказишди.

Рапид йўналишидаги амалдаги жаҳон чемпоини Нодирбек Абдусатторов бугун дастлабки 3та ўйинда ғалаба қозонди. У Денис Кадрич (Черногория), Абҳиманю Пураник (Ҳиндистон) ва Антон Демченко (Россия)ни мағлуб этди. 4-турда ҳамюртимиз жаҳоннинг биринчи рақамли шахматчиси Магнус Карлсен тўғри келди. Бу баҳсда норвегиялик шахматчи ғалаба қозонди. Нодирбек 5-турда туркиялик Ваҳап Саналга қарши дона суриб, ғалаба қозонди. Натижада 1-кундан сўнг Абдусатторов 4 очко жамғарди ва жадвалда 8-поғонани эгаллаб турибди. Тўрт шахматчи эса 4,5 очко билан пешқадамлик қилишмоқда.

Ўзбекистонлик шахматчилар орасида Нодирбек Ёқуббоев 3,5 очко билан айни пайтда 16-ўринни эгаллаб турган бўлса, Шамсиддин Воҳидов 3 очко билан 56-поғонани банд берди. Жаҳонгир Воҳидов ҳисобида ҳам 3 очко бор (62-ўрин).

Мусобақани 2та ғалаба билан бошлаган Жвоҳир Синдаров кейиги 3та баҳсда ютқазиб қўйди.

Манба: stadion.uz