Дзюдо. Матниязова Тель-Авив турниридаги иштирокини кимга қарши бошлайди?

Эртага Исроилнинг Тель-Авив шаҳрида дзюдо бўйича “Катта дубулға” турнири старт олади. Маълум қилганимиздек, ушбу мусобақада Ўзбекистон терма жамоасидан фақатгина Гулноза Матниязова иштирок этади. Бугун баҳсларга қуръа ташлаш маросими бўлиб ўтди ва спортчилар ўз рақибларини билиб олишди.

Унга кўра, — 70 кг вазн тоифасида қатнашадиган юртдошимиз турнирни мўғулистонлик Басанжаргал Баярбатга қарши бошлайди. Агар ушбу рақиб тўсиғидан ўта олса, Луана Карвалё (Бразилия) ва Мая Гошен (Исроил) жуфтлиги ғолиби билан чорак финал йўлланмаси учун курашади. Матниязованинг вазн тоифасидаги баҳслар 17-феврал куни бўлиб ўтади.

Манба: Olympic.uz