Странжа-2023. Саиджамшид Жаъфаров олтин медални қўлга киритди

Болгариянинг София шаҳри мезбонлигида ўтаётган Странжа — 2023 мусобақасида эркаклар ўртасидаги финал жанглари бўлиб ўтмоқда. Ўзбекистонлик спортчилар учун мусобақа якунига етди.

71 кг вазндаги ҳамюртимиз Саиджамшид Жаъфаров туркиялик Ердемир Тугруханга қарши рингга кўтарилиб, ишончли ғалабани қўлга киритди — 5:0. Шу тариқа, Жаъфаров ҳам олтин медални қўлга киритди.

Режага кўра энг сўнгги бўлиб жанг ўтказиши керак бўлган Шоҳжаҳон Абдуллаев (86 кг) ва Баҳодир Жалолов (92+ кг)нинг рақиблари финалда иштирок этмаслиги ҳақида аввалроқ хабар бериб ўтгандик.

Шу тариқа, Ўзбекистон ушбу мусобақани 7 та олтин, 5 та кумуш ва 6 бронза медалларини қўлга киритди.

Бугунги натижалар:

— 48 кг: Шодиёржон Мелиқўзиев – Говинд Кумар (Ҳиндистон) — 4:1
— 51 кг: Ҳасанбой Дўсматов – Никанор Куирога Рамон (Аргентина) — 5:0
— 54 кг: Миразизбек Мирзахалилов – Ясен Радев (Болгария) — 1:4
— 60 кг: Адҳамжон Муҳиддинов – Радослав Росенов (Болгария) — 2:3
— 63,5 кг: Руслан Абдуллаев – Мужибилло Турсунов — 1:4
— 67 кг: Асадхўжа Мўйдинхўжаев – Бекзод Ҳамидов — 5:0
— 71 кг: Саиджамшид Жаъфаров – Ердемир Тугрухан (Туркия) — 5:0
— 86 кг: Шоҳжаҳон Абдуллаев – Винченсо Лиззи (Италия) — рақиб рингга чиқмади
+92 кг: Баҳодир Жалолов – Давит Чалоян (Арманистон) — рақиб рингга чиқмади.

Манба: stadion.uz