Бокс-2023. Ҳасанбой Дўсматов жаҳон чемпионлиги учун жиддий киришди

Терма жамоамизнинг тажрибали аъзоларидан бири Ҳасанбой Дўсматов ( — 51 кг) ҳам Тошкентда ўтаётган дунё биринчилигида илк жангини ўтказди.

Мексикалик Алберто Хименесга қарши жанг қилган Рио — 2016 Олимпиадаси чемпиони кейинги босқич сари дадил қадам ташлади. Ҳамюртимиз биринчи раунднинг 20-сониясидаёқ нокдаунга туширишга муваффақ бўлди. Ҳасанбой дастлабки икки бўлимда жиддий устунликни таъминлагач, учинчи 3 дақиқаликни нисбатан сокинроқ ўтказди ва ғалаба қозонди — 5:0.

Дўстматов 1/16 финал босқичида марокашлик Саид Муртажийга қарши рингга кўтарилади.

Манба: stadion.uz