Дзюдо бўйича ЖЧ. Бугун Тўрабоев ва Қурбонбоева баҳсларда иштирок этади

Доҳада ўтаётган дзюдо бўйича жаҳон чемпионатида оғир вазн тоифасидаги спортчилар чемпионлик учун кураш олиб боришмоқда.

Бугун эркаклар ўртасида — 100 кг, аёллар ўртасида эса — 78 кг вазн тоифасида ғолиб ва совриндорлар аниқланади. Унда иштирок этадиган ҳамюртларимиз мусобақани қуйидаги рақибларига қарши бошлашади:

— 100 кг: Музаффарбек Тўрабоев – Кентаро Иида (Япония)
— 78 кг: Ирисхон Қурбонбоева – Бита Пакут-Клоско (Польша)

Эслатиб ўтамиз, Тўрабоев 2022 йилнинг октябрь ойида Тошкентда ўтказилган жаҳон чемпионатида олтин медални қўлга киритганди.

Манба: olympic.uz