Оғир атлетика бўйича ЖЧ. Рустам Жангабев жароҳат туфайли баҳсларда иштирок эта олмади

Саудия Арабистони мезбонлик қилаётган оғир атлетика бўйича катталар ўртасидаги жаҳон чемпионатининг бугунги дастурида ҳамюртимиз Рустам Жангабаев эркаклар ўртасида +109 кг вазн тоифасида «А» гуруҳ баҳсларида иштирок этиши белгиланган эди.

Таъкидлаш керакки, Париж — 2024 ёзги Олимпия ўйинлари йўлланмаси учун кураш олиб бораётган барча атлетлар Ар-Риёддаги мусобақада қатнашиши шарт этиб белгилангани туфайли, спортчимиз елкасидаги жароҳати билан бўлсада ушбу беллашувда иштирок этиш учун рўйхатдан ўтган эди. Бироқ, вакилимизнинг жароҳати жаҳон чемпионатида қатнашишга имкон бермади.

Шу тариқа Рустам Жангабаев Халқаро оғир атлетика федерациясининг талабини бажарди ва Париж — 2024 ёзги Олимпия ўйинлари лисензияси учун имкониятни сақлаб қолди.

Манба: @uzbek_weightlifting