Ханчжоу-2022. Ўзбекистон ОТЖ чорак финалда Саудия билан ўйнайди

Осиё Ўйинларида эркаклар футболида бугун нимчорак финал босқичи якунига етди. Ўзбекистон олимпия терма жамоаси Индонезияга қарши ўйинда қийин ғалабага эришгани ҳақида маълумот бериб ўтгандик.

Темур Кападзе жамоаси чорак финалда Саудия Арабистонига қарши майдонга тушадиган бўлди. Бу ўйин 1 октябрь куни Тошкент вақти билан 12:00да бошланади.

Саудияликлар нимчорак финалда Ҳиндистон устидан 2:0 ҳисобида ғалаба қозонганини таъкидлаш лозим.

Осиё Ўйинларида чорак финал жуфтликлари қуйидаги кўринишда бўлди:

1 октябрь, якшанба
12:00. Ўзбекистон — Саудия Арабистони
16:30. Эрон — Гонконг
16:30. Япония — КХДР
17:00. Хитой — Жанубий Корея

Ярим финал, 4 октябрь
1-жуфтлик ғолиби — 4-жуфтлик ғолиби
2-жуфтлик ғолиби — 3-жуфтлик ғолиби

Манба: stadion.uz