Олександр Усик ва Тайсон Фьюри ўртасида мутлақ чемпионлик жанги учун шартнома имзоланди
Боксчилар ўртасида жанг учун шартнома имзолади. Жанг Саудия Арабистонида бўлиб ўтади. Бу ҳақида мамлакатнинг кўнгилочар ишлар бош бошқармаси раиси Турки Алалшиҳ маълум қилди.
“Бу кўпдан бери ҳамма кўришни истаган жанг — ниҳоят икки жаҳон чемпиони рингда учрашади. Бу бокс тарихидаги энг йирик жанг. Биз уни ташкил этишда иштирок этганимиздан фахрланамиз”, — дейди Алалшиҳ.
Хабарга кўра, жанг 2023 йилнинг охири ёки 2024 йилнинг январь ойида бўлиб ўтади.
Эслатиб ўтамиз, Олександр Усик сўнгги жангини август ойида Даниэль Дюбуага қарши ўтказиб, 9-раундда техник нокаут эвазига ғалаба қозонганди.
Тайсон эса Дерек Чисорани мағлуб этиб, фаолиятидаги 33-ғалабани қўлга киритганди.
Манба: daryo.uz