Доҳа Гран-При: Муҳаммадқодир Тоштемиров мусобақани кучли ўнликда якунлади!

Бундан бироз аввал Қатар пойтахти Доҳа шаҳрида ўтаётган оғир атлетика бўйича халқаро Гран-При турнирида эркаклар ўртасида — 81 кг вазн тоифасида баҳслар ўз якунига етди.

Унда «B» гуруҳида кураш олиб борган ҳамюртимиз Муҳаммадқодир Тоштемиров даст кўтаришда 135 кг, силтаб кўтаришда 160 кг, икки кураш якунига кўра эса 295 кг натижа билан 9-ўринни эгаллади.

Спортчимизга келгуси мусобақаларда муваффақият тилаб қоламиз.

Ушбу вазн тоифасида совринли ўринлар Шимолий Корея, Индонезия, Туркманистон ва Албания спортчиларига насиб этди.

Манба: https://t.me/uzbek_weightlifting