Конор Макгрегор Флойд Мейвезерга қарши реванш жангида иштирок этмоқчи

Икки вазн тоифасида UFC собиқ чемпиони Конор Макгрегор (22-6) Флойд Мейвезернинг Сауль Альваресга қарши жанги ҳақида фикр билдирди.

“Бу профессионал бокс тарихдаги энг яхши жанглардан бири эди. Кўпроқ Флойдга мухлислик қилганман. У билан яна битта жанг ўтказган бўлардим”, — деб ёзади Конор Макгрегор ижтимоий тармоқдаги саҳифасида.

Мейвезер 2013 йилда Сауль Альваресга қарши жанг қилиб, ҳакамлар қарорига кўра, ғалаба қозонган.

Орадан 4 йил ўтиб, Флойд Мейвезер бокс қоидалари бўйича Конор Макгрегорга қарши рингга кўтарилиб, нокаутга учратганди.

Манба: daryo.uz