Тошкентда сирпанчиқ туфайли автомобиль каналга тушиб кетган. Видео

Қутқарувчилар Тошкентнинг Сергели туманидаги каналлардан бирига тушиб кетган машинани чиқариб олишган. Бу ҳақда мухбиримиз хабар бермоқда.

“Бугун, 12 январь куни шаҳар фавқулодда вазиятлар бошқармасига “Кобальт” автомашинаси ҳайдовчиси бошқарувни йўқотиб қўйгани, натижада машина Қипчоқ кўчаси бўйлаб оқиб ўтадиган каналга тушиб қолгани ҳақида хабар борган”, — дея маълум қилмоқда ЙҲХХ.

Воқеа жойига қутқарув гуруҳи етиб борган, махсус ускуналар ва техника ёрдамида машина каналдан олиб чиқилган.

Ҳодиса натижасида жабрланганлар ва қурбонлар йўқ.