Champions Chess Tour-2023, финал. Магнус Карлсен биринчи бўлимда ғалаба қозонди

Канаданинг Торонто шаҳрида шахмат бўйича Champions Chess Tour—2023 турнирида кеча финалнинг биринчи сет баҳслари ўтказилди.

Унда норвегиялик Магнус Карлсен АҚШлик Со Уэсли қарши дона сурди. Ўтказилган 4 партиянинг 3 таси дуранг билан тугаган бўлса, биттасида Карлсен ғалаба қозонди — 2,5 — 1,5.

Бугун шахматчилар яна 4 та ўйиндан иборат иккинчи бўлимни ўтказишади. Агар унда Со ғалаба қозонса, учинчи сет ўтказилади. Бугун ғолиб номи аниқ бўлади.

Эслатиб ўтамиз, чемпион 200 минг, 2-ўрин эса 100 минг доллар мукофот пулига эга бўлади.

Манба: stadion.uz