Анҳор бўйидаги “ободонлаштириш”. Экоинспекция қонунбузилишларни аниқлаган ва рухсат берувчи ҳужжатларни топмаган

Анҳор соҳилида Олимпия шон-шараф музейи ёнида “ободонлаштирувчилар” дарахт кўчатларини узиб олиб, катта дарахтларнинг илдизларига зарар етказишган. Экологлар ва жамоатчилик норозилик билдирмоқда. Бу ҳақда мухбиримиз хабар бермоқда.

Ободонлаштириш тадбирлари Олимпия шон-шараф музейи ва Наврўз боғи ёнида олиб борилмоқда. Гувоҳларнинг сўзларига кўра, буни ободонлаштириш деб айтиш қийин- ишчилар катта дархатлар орасидан йўлак чиқариб, илдизларни шафқатсизларча чопиб ташлашмоқда.

Таъкидлаш лозимки, Наврўз боғи (Шайхонтоҳур тумани) томонидан «ободонлаштирувчилар» сентябрь ойида баннерда тақдим этилган режага мувофиқ ҳаракат қилишади. Олимпия шон-шараф музейи (Юнусобод тумани) томонидан олиб борилган ишлар учун ҳеч қандай режа йўқ эди.

Натижада, каналнинг иккала қирғоғидаги Анҳор томон ён бағирлари «ободонлаштирилган», баъзи ёш кўчатлар узиб олинган ва ишчилар шошилинч равишда катта дарахтлар орасига йўллар ётқизишмоқда, уларнинг илдизларига жиддий зарар етказилмоқда.

Агар Олимпия боғида бундай «ободонлаштириш» режаси тасдиқланса, унда яна ўнлаб дарахтлар хавф остида бўлади. Жамоатчилик хавотирда ва бу ишларга қарши чиқмоқда. Бундан ташқари, хабар юзидан келган эко-инспекция қоидабузарликларни аниқлаган ва ишлашга рухсат йўқлигини қайд этган.