Олександр Усик ва Тайсон Фьюри жанги ғолиби мутлақ жаҳон чемпионининг махсус камарига эга бўлади

Супер оғир вазн тоифасида WBA Супер, IBF, WBO ва IBO камарлари соҳиби Олександр Усик ва WBC чемпиони Тайсон Фьюри мутлақ жаҳон чемпионлиги май ойида бўлиб ўтади.

Улар ўртасидаги жанг 18 май куни Саудия Арабистонида бўлиб ўтади. Ушбу жанг учун махсус камар тайёрланди.

“Оғир вазн тоифасида мутлақ жаҳон чемпиони”, — деб ёзилган камарда.

Усик ва Фьюри ўртасидаги жанг 17 февраль санасида бўлиб ўтиши лозим эди. Бироқ, Тайсон спарринг вақтида қошидан олган жароҳат туфайли жанг санаси ўзгарганди.

Манба: daryo.uz