Спорт гимнастикаси. Чусовитина Қоҳира Жаҳон кубогида финал босқичи йўлланмасини қўлга кирита олмади

Бугун Мисрда спорт гимнастикаси бўйича Жаҳон кубогининг иккинчи кун беллашувлари ўтказилади. Унда 5 нафар ҳамюртимиз саралаш босқичида иштирок этишади.

Афсуски, кеча ўтган саралаш баҳсларида терма жамоамиз аъзоларидан ҳеч ким финал йўлланмасини қўлга кирита олмади. Хусусан, Оксана Чусовитина таяниб сакраш машқида ўз омадини синаб кўрганди.

Бугун гимнастикачиларимиз қуйидаги йўналишларда қатнашадилар:

Расулжон Абдураҳимов: брус ва турник;
Абдулазиз Мирвазиев: таяниб сакраш;
Ҳумоюн Исломов: таяниб сакраш;
Дилдора Арипова: эркин машқ ва тўсин;
Одина Робижонова: эркин машқ ва тўсин.

Манба: olympic.uz