Рафаэль Надаль тарихдаги энг яхши теннисчи ким эканлигини айтди

“Улкан тож” туркумига кирувчи турнирларнинг 22 карра чемпиони, жаҳоннинг собиқ биринчи рақамли теннисчиси, испаниялик Рафаэль Надаль ҳозирда жаҳон рейтинги етакчиси, 36 ёшли сербиялик спортчи Новак Жокович ҳақида гапириб ўтди.

“Новак яхши инсон. Унинг муваффақиятини кўрсам, доим хурсанд бўламан. Мен уни тарихдаги энг яхши теннисчи деб атаган бўлардим. Унинг тана тузилиши меникидан яхшироқ ва бу ҳам унинг муваффақиятидаги муҳим жиҳат”, — дейди Надал.

Эслатиб ўтамиз, Жокович Australian Open 2024 турнирида чемпионлик титулини ҳимоя қила олмади. У италиялик Янник Синнерга ютқазди.

Сербиялик теннисчи иштирок этадиган навбатдаги турнир Индиан-Уэллсдаги (АҚШ) Masters турнири бўлади. Ушбу мусобақа 6-17 март кунлари бўлиб ўтади.

Жокович “Улкан тож” туркумидаги мусобақаларнинг 24 тасида ғолиб бўлган.

Манба: daryo.uz