Дзюдочиларимиз Боку «катта дубулға» турнирини учта медаль билан якунлашди

Дзюдо бўйича Ўзбекистон терма жамоаси Озарбайжон мезбонлик қилган «Катта дубулға» мусобақасидаги иштирокини тугатди. Унда ҳамюртларимиз 1 та олтин ва 2 та бронза медалини қўлга киритишди.

Турнирнинг сўнгги кунида спортчиларимиздан Ўткирбек Тўрабоев бронза медали учун курашиш босқичигача етиб келди. Бироқ +100 кг вазн тоифасида курашган полвонимиз учинчи ўрин учун кечган баҳсда нидерландиялик Юр Спайкерсга имкониятни бой берди.

Мусобақа қаҳрамонларини эслаб ўтамиз:

Олтин медаль:
— 52 кг: Диёра Келдиёрова

Бронза медаль:
— 48 кг: Ҳалима Қурбонова
— 60 кг: Достон Рўзиев

Манба: olympic.uz