Енгил атлетика: Осиё чемпионатида навбатдаги кумуш ва бронза медаллар қўлга киритилди

Эронда ўтаётган енгил атлетика бўйича ёпиқ иншоотлардаги Осиё чемпионатида кўпкураш ва уч ҳатлаб сакраш дастурлари бўйича медаллар қўлга киритилди.

Кўпкураш дастурида ҳамюртимиз Заҳриддин Шокиров 2-ўринни эгаллаб, делегациямиз ҳисобига навбатдаги медални тақдим этди. Биринчи ўрин япониялик спортчига, 3-ўрин эронлик атлетга насиб этди.

Уч ҳатлаб сакраш дастурида юртдошимиз Иван Денисов бронза медални қўлга киритди. Биринчи ўрин хитойлик спортчига, иккинчи ўрин кореялик атлетга насиб қилди.

Манба: minsport.uz