Гимнастикачиларимиз Германиядаги жаҳон кубогида иштирок этишади

Бугун Германиянинг Котбус шаҳрида спорт гимнастикаси бўйича Жаҳон кубогининг иккинчи босқичи старт олади. 70 давлатдан 317 нафар спортчи иштирок этадиган турнирда Ўзбекистон терма жамоаси аъзолари ҳам қатнашади.

Германиядаги мусобақага ўтган ҳафта Мисрда ташкил этилган илк босқичдаги таркиб жалб этилган. Бугун саралаш баҳсларида ҳамюртларимиз қуйидаги йўналишларда иштирок этишади:

Абдулазиз Мирвалиев: эркин машқ;
Ҳумоюн Исломов: эркин машқ;
Оксана Чусовитина: таяниб сакраш;
Дилдора Арипова: таяниб сакраш ва турли баландликдаги тўсинлар;
Одина Робижонова: турли баландликдаги тўсинлар.

Манба: olympic.uz