UFC. Махачев бу йил камида иккита жанг ўтказади

Таниқли ММА менежери ва Dominance MMA Management асосчиси Али Абдул-Азиз енгил вазн тоифасида амалдаги чемпион россиялик Ислом Махачев (25-1) йил охиригача камида иккита жанг ўтказишига ишонч билдирмоқда.

“UFC Исломга қайси саналарни таклиф қилишидан қатъи назар, у бу йил камида иккита жанг ўтказади. Бу 100 фоиз аниқ”, — деди Али Абдул-Азиз.

Махачев Александр Волкановски билан реванш жангида (26-4) биринчи раунддаёқ нокаут билан ғалаба қозонганди. Жанг 2023 йил 21 октябрь куни БААнинг Абу-Даби шаҳридаги UFC 294 мусобақасида бўлиб ўтди.