Бокс. Ҳасанбой Дўсматов 14 апрель куни Тошкентда IBA камари учун жанг қилади

Профессионал боксда мағлубиятсиз одимлаётган чарм қўлқоп устамиз Ҳасанбой Дўсматовнинг навбатдаги жанги тасдиқланди.

Унга кўра, чарм қўлқоп устамиз 14 апрель куни Тошкент шаҳрида ташкил этиладиган IBA чемпионлар оқшоми турнирида рингга кўтарилади. Ҳасанбойнинг рақиби аввал маълум қилинганидек, испаниялик Самуэль Кармона бўлади. Ушбу жанг расман ўз тасдиғини топди.

Ёдингизда бўлса, икки боксчи Дубайдаги IBA Чемпионлар оқшомида юзма-юз келишганди. IBA камари учун кечадиган жангнинг face to face маросимини икки вазнда собиқ UFC чемпиони Конор Макгрегор ўтказиб берган эди. IBA президенти Умар Кремлёв ижтимоий тармоқда жанг Испания ёки Ўзбекистонда ўтказилиши ҳақида айтганди.

Манба: Ўзбекистон профессионал бокс федерацияси матбуот хизмати