«Prague Masters». Нодирбек Абдусатторов 4-турда Гукеш билан дуранг ўйнади

Чехия пойтахти Прага шаҳрида шахмат бўйича «Prague Masters» халқаро мусобақасида бугун 4-тур ўйинлари бўлиб ўтди.

Ҳамюртимиз Нодирбек Абдусатторов бу турда ҳиндистонлик Домараджу Гукешга қарши оқ доналарда ўйнади. Ҳамюртимиз ўйин дебютида кичик устунликка эга бўлса-да, рақиб ҳам бехато ўйнади.

Натижада 39-юришга келиб томонлар дурангга имзо чекишди. Нодирбек ушбу дуранг туфайли очколарини 3,0 тага етказди ва жадвалда пешқадамлик қилмоқда.

Абдусатторов эртага польшалик Бартел Матеушга қарши қора доналарда ўйнайди.

Манба: stadion.uz