Энтони Жошуа ва Френсис Нганну жанги 2-раунддаёқ якунланди

Саудия Арабистонининг Ар-Риёд шаҳрида жойлашган Кингдом Арена мажмуасида 8 март, жума куни катта профессионал бокс оқшомининг марказий жанги якунланди.

Унда оғир вазн тоифасида британиялик боксчи Энтони Жошуа камерунлик Френсис Нганнуга қарши рингга чиқди.

10 раунд давом этиши керак бўлган жанг 2-раунддаёқ муддатидан олдин якунланди. Унда Энтони Жошуа Нганнуни нокаутга учратди.

Бу Жошуа учун 31-жангда қўлга киритилган 28-ғалаба ҳисобланади. Нганну эса ўзининг иккинчи жангида иккинчи мағлубиятини қабул қилиб олди.

Ушбу жанг кечасида ўзбекистонлик Исроил Мадримов россиялик Магомед Курбановга қарши жангда ғалаба қозониб, WBA камари соҳибига айланди.

Манба: daryo.uz