Бокс. Лицензион турнирда кеча барча спортчиларимиз ғалаба қозонишди
— 66 кг вазндаги боксчимиз Навбаҳор Ҳамидова мусобақадаги иккинчи жангини нидерландиялик Луна Амаро Беелоога қарши ўтказди. Якунда эса иқтидорли вакилимиз рақибасини ишончли тарзда 5:0 ҳисобида мағлубиятга учратди.
— 75 кг вазндаги боксчимиз Азиза Зокирова украиналик Каролина Маҳога қарши бўлиб ўтган баҳсда рақибасини мағлубиятга учратди ва кейинги босқичга йўл олди.
— 92 кг вазнда ғалабали серия тақдим этиб келаётган Лазизбек Муложонов, навбатдаги жангини Того давлати вакили Кевин Куажовига қарши ўтказди. Баҳс якунида эса боксчимиз рақибига ҳеч қандай имконият қолдирмади. 5:0.
— 63,5 кг вазнда баҳс олиб бораётган боксчимиз Руслан Абдуллаев ҳам ўзининг навбатдаги жангини ўтказди. Унга бу сафар косовалик Шпетим Бажоку рақиблик қилди. 2 раунд давом этган жангда Руслан рақибини техник нокаутга учратди.
Шу тариқа, кечаги жанглардан сўнг тўрттала вакилимиз мусобақанинг чорак финал босқичига чиқишди:
— 66 кг. Навбаҳор Ҳамидова — Луна Амаро Беелоо (Нидерландия) — 5:0.
— 75 кг. Азиза Зокирова — Каролина Маҳо (Украина) — 5:0.
— 92 кг. Лазизбек Муложонов — Кевин Куажови (Того) — 5:0.
— 63,5 кг. Руслан Абдуллаев — Шпетим Бажоку (Косово) — 2-раундда техник нокаут.
Манба: stadion.uz