Бокс. Лицензион турнирда яна 3 спортчимиз чорак финалга чиқди

Италияда бокс бўйича жаҳон лицензион турнири ҳал қилувчи босқичга етиб келмоқда. Кеча Ўзбекистон терма жамоасининг 4 нафар аъзоси саралаш босқичида навбатдаги жангни ўтказди.

— 50 кг вазнда иштирок этаётган боксчимиз Сабина Бобоқулова ирландиялик Даяна Мурхаусга қарши жанг қилди. Якунда эса, ҳакамлар қарорига кўра, ҳамюртимиз рақибасини 3:2 ҳисобида таслим этди. Сабинанинг кейинги баҳси Олимпиада ўйинлари йўлланмаси учун бўлиб ўтади.

— 80 кг вазнда баҳс олиб бораётган боксчимиз Тўрабек Ҳабибуллаев бу сафар унга франциялик Йоерлин Сезар рақиблик қилди. 3 раунд якунига кўра, вакилимиз 4:1 ҳисобида ғалаба қозонди.

— 57 кг вазнда жанг қилаётган вакиламиз Ситора Турдибекова чорак финал баҳсида польшалик Юлия Шереметага қарши рингга кўтарилди. Баҳс якунида эса, афсуски, ҳакамлар қарорига кўра, польшалик боксчининг қўли баланд келди. Умумий ҳисоб 1:4.

— 71 кг вазнда баҳс олиб бораётган вакилимиз, ўзининг навбатдаги жангини колумбиялик Александр Рангелга қарши ўтказди. Асадхўжанинг назорати остида ўтган баҳсда, у рақибини аяб ўтирмади. 5:0 ва чорак финал.

— 50 кг: Сабина Бобоқулова — Даяна Мурҳаус (Ирландия) — 3:2
— 57 кг: Ситора Турдибекова — Юлия Шеремета (Польша) — 1:4
— 67 кг: Асадхўжа Мўйдинхўжаев — Александр Ренжел (Колумбия) — 4:1
— 80 кг: Тўрабек Ҳабибуллаев — Йоерлин Сезар (Франция) — 5:0

Манба: stadion.uz