Маҳмуд Муродов UFC билан яна 4 та жанг учун шартнома имзолади

Ўрта вазн тоифасида жанг қилувчи ўзбекистонлик UFC устаси Маҳмуд Муродов промоушен билан шартномани янгилаганини маълум қилди.

“Бугун UFC билан 4 та жанг учун янги шартнома имзоладим. Мамлакатимизни дунё миқёсида намойиш этаётганимдан жуда хурсандман ва қўллаб-қувватлаганингиз учун барчангизга катта раҳмат айтмоқчиман”, — деб ёзди Муродов ўз Instagram саҳифасида.

Эслатиб ўтамиз, Маҳмуд Муродов UFC’даги сўнгги жангини февраль ойида россиялик Алиасхаб Хизриевга қарши ўтказиб, кўзидан жароҳат олган эди.

Мазкур жанг ташкилотчилар томонидан бекор қилинди.

Манба: daryo.uz