Шавкат Мирзиёев Самарқандга жўнаб кетди
Президент Шавкат Мирзиёев ҳудудлар ривожи билан яқиндан танишиш мақсадида Самарқанд вилоятида бўлади. Бу ҳақда унинг матбуот хизмати хабар берди.
«Бугунги кунда Самарқандда улкан бунёдкорлик ишлари олиб борилмоқда. Маҳаллабай тарзда аҳоли фаровонлигини ошириш чоралари кўрилмоқда», — дейилади хабарда.
Ташриф давомида шундай ислоҳотлар натижаси, янги иншоотлар қурилиши билан танишиш режалаштирилган.