Ўзбекистон президенти расмий ташриф билан Хитойга боради

Президент Шавкат Мирзиёев 30 август — 3 сентябрь кунлари расмий ташриф билан Хитойда бўлади, деб хабар қилди давлат раҳбари матбуот хизмати.

31 августдан 1 сентябргача у Тянцзин шаҳрида бўлиб ўтадиган Шанхай ҳамкорлик ташкилотига аъзо давлатлар давлат раҳбарлари кенгаши йиғилиши ва ШҲТ плюс саммитида иштирок этади.

Тадбирларда устувор йўналишларда кўп томонлама ҳамкорликни кенгайтириш ва ташкилот фаолиятини такомиллаштириш масалалари муҳокама қилинади. Натижада хавфсизлик, рақамли иқтисодиёт, яшил саноат, энергетика, туризм ва бошқа соҳаларда шерикликни мустаҳкамлаш бўйича Тянцзин декларацияси, қўшма ҳужжатлар ва қарорлар қабул қилиниши режалаштирилган.

Шавкат Мирзиёев 2 сентябрь куни Пекинда Хитой Халқ Республикаси раиси Си Цзинпин билан музокаралар ўтказади, шунингдек, расмийлар ва Хитойнинг етакчи компаниялари раҳбарлари билан учрашувлар ўтказади.

Президент сентябрь куни Иккинчи жаҳон урушидаги ғалабанинг 80 йиллигига бағишланган тантаналарда иштирок этади.

Бўлажак ташриф муносабати билан давлат раҳбари иштирокида Ўзбекистон Мустақиллик кунини нишонлаш (1 сентябрь) 31 август эмас, балки 29 август куни бўлиб ўтди .