«Шавкат Мирзиёев — Трамп сингари тинчлик президенти» — АҚШ президентининг махсус вакили Паоло Замполли

«Шавкат Мирзиёев — Трамп сингари тинчлик президенти» — АҚШ президентининг махсус вакили Паоло Замполли

Ўзбекистонга амалий ташриф билан келган Америка Қўшма Штатлари президентининг глобал ҳамкорликлар бўйича махсус вакили Паоло Замполли Шавкат Мирзиёевни «тинчлик президенти» деб атаб, Марказий Осиё минтақасини бирлаштириш борасидаги саъй-ҳаракатларни қайд этди. Gazeta у 28 август куни Шавкат Мирзиёев билан музокаралар олиб боргани ҳақида ёзганди.

Паоло Замполли АҚШ ва Ўзбекистон глобал ҳамкорлар эканини таъкидлади. Музокаралар якунида у «Ўзбекистон 24» телеканалига берган интервьюсида шундай деди: «Ҳамкорлик қилишга ўзаро интилиш бор, иккала давлат ҳам яқинроқ бўлишни хоҳлайди. Ва мен Вашингтонга бу ерда жуда яхши ҳамкорларимиз борлигини айтиш учун юборадиган хабарим шу. Жаноб президент қўллаб-қувватлайдиган кўплаб ҳамкорликлар мавжуд. Бу икки мамлакатимиз учун узоқ муддатли истиқболда муҳимдир».

Махсус вакил глобал сиёсат нуқтаи назаридан Ўзбекистон ва умуман Марказий Осиё минтақасининг аҳамиятини таъкидлади.

«Минтақа, айниқса, Озарбайжон ва Арманистон ўртасида тинчликка эришилган ҳозирги пайтда ҳақиқатан ҳам алоҳида аҳамият касб этмоқда. Президентингиз Шавкат Мирзиёевнинг етакчилиги туфайли биз Марказий Осиё минтақасига фавқулодда муҳим деб қараймиз, у ажойиб етакчи, барқарорлик таянчи, президент Трамп каби тинчлик президенти», — деди у.

Кузда Ўзбекистон-АҚШ Кенгайтирилган стратегик шериклик мулоқотининг биринчи йиғилиши бўлиб ўтади.

АҚШнинг Тошкентдаги элчихонаси матбуот хизмати хабарига кўра, Паоло Замполли Шавкат Мирзиёев нутқ сўзлаган 29 август — Ўзбекистон Мустақиллиги кунига бағишланган тантанали маросимда иштирок этди.

Ташриф доирасида махсус вакил Тошкентда Америка бурчагининг очилишида иштирок этди, Ўзбекистон Олимпия ўйинлари совриндорлари билан учрашди ва Ўзбекистон миллий терма жамоасини 2026-йилги жаҳон чемпионатига АҚШга таклиф қилди, дейилади элчихона хабарида.

Сўнгги янгиликлар

Категориялар

© Yangiliklar24 . All Rights Reserved.