Президентнинг ҳудудий ривожланиш ва иқтисодий сиёсат бўйича янги маслаҳатчилари тайинланди

Ўзбекистон президентининг тегишли фармонлари билан президентнинг маслаҳатчилари лавозимларига тайинловлар амалга оширилди. Бу ҳақда Президент матбуот хизмати хабар қилди.

Хусусан, Равшан Гулямов Аюбович Ўзбекистон президентининг ҳудудий ривожланиш бўйича маслаҳатчиси лавозимига тайинланди ва шу муносабат билан президентнинг иқтисодий сиёсат бўйича маслаҳатчиси лавозимидан озод этилди.

Обид Хакимов Арзикулович эса президентнинг иқтисодий сиёсат бўйича маслаҳатчиси лавозимига тайинланди ва шу муносабат билан президентнинг иқтисодий сиёсат бўйича маслаҳатчиси ўринбосари — Иқтисодий тадқиқотлар ва ислоҳотлар маркази директори лавозимидан озод этилди.

Азиз Юлдашевич Магрупов президентнинг ҳудудий ривожланиш бўйича маслаҳатчиси ўринбосари лавозимига тайинланди ва шу муносабат билан Ўзбекистон президентининг ташқи инвестициялар бўйича вакили лавозимидан озод этилди.

Аввалроқ Президент администрацияси Ташқи алоқалар департаменти бошлиғи Алишербек Пайгамов лавозимидан озод этилгани ҳақида хабар бергандик. Унинг ўрнини президентнинг стратегик ривожланиш бўйича маслаҳатчиси билан исм-шарифи бир хил бўлган Сардорбек Умурзаков эгаллади.