Ички ишлар вазири ўринбосари Бекмурод Абдуллаев ишдан олинди

Шавкат Мирзиёевнинг қарори билан Бекмурод Абдуллаев Тожимирзаевич Ўзбекистон ички ишлар вазирининг ўринбосари — Жамоат хавфсизлиги департаменти бошлиғи лавозимидан озод этилди.

Абдуллаев ушбу лавозимда 2021 йил апрель ойидан бери ишлаб келаётганди. Тайинловга қадар Абдуллаев Ўзбекистон Республикаси Миллий гвардияси қўмондонининг жамоат хавфсизлигини таъминлаш бўйича биринчи ўринбосари лавозимида фаолият юритган.

Шунингдек, президентининг фармойиши билан Рустам Турсунов Рахмонович Ўзбекистон Ички ишлар вазирлиги ҳузуридаги Жазони ижро этиш департаменти бошлиғи лавозимидан озод этилди.

Турсунов ушбу лавозимга 2021 йил февраль ойида тайинланган. Унгача Навоий вилояти ИИБ бошлиғи лавозимида фаолият юритган.