Маҳаллаларда спорт тарғиботи билан шуғулланган жисмоний тарбия ўқитувчиларига 20 фоиз устама берилади

Ўзбекистонда жисмоний тарбия ўқитувчиларига қўшимча рағбатлантириш чораси жорий этилади. Сенат Олий Мажлисининг навбатдаги йиғилишида аҳолини, айниқса ёшларни жисмоний тарбия ва спортга кенг жалб этишда юзага келаётган муаммолар юзасидан Вазирлар Маҳкамасига йўлланган парламент сўрови натижалари кўриб чиқилди.

Муҳокамалар якунига кўра, ҳар бир мактабдан битта жисмоний тарбия ўқитувчисини маҳаллаларга бириктириш таклиф этилди. Улар маҳаллаларда спорт билан шуғулланишни тарғиб қилиш, аҳолини оммавий жисмоний фаолликка жалб этиш билан шуғулланади.

Белгиланишича, ушбу қўшимча вазифаларни бажарган ўқитувчиларга лавозим маошига 20 фоиз миқдорида устама тўланади. Бу ҳақда Адлия вазирлиги маълум қилди.