Қарийб 200 минг ўзбекистонлик чиқинди олиб чиқиш бўйича қарзлари сабаб электр энергияси учун тўлов қилишда чекловга учради

2026 йил 5 февраль ҳолатига кўра, Ўзбекистонда чиқиндиларни олиб чиқиш хизматлари бўйича 1 миллиондан ортиқ абонентнинг умумий қарзи 108,9 миллиард сўмни ташкил этгани Чиқиндиларни бошқариш ва циркуляр иқтисодиётни ривожлантириш агентлиги томонидан маълум қилинди.

Барча абонентларга огоҳлантирувчи SMS-хабарлар юборилиб, қарздорликни бартараф этиш учун 5 кунлик муддат берилган. Шу давр мобайнида 12,7 миллиард сўм тўлов амалга оширилган.

Натижада 15,8 миллиард сўм қарздорликка эга бўлган 198 858 нафар абонентга электр энергияси учун тўловларни амалга оширишда чекловлар жорий этилди. Чекловлар қарз тўлиқ қоплангандан сўнг бекор қилинади.