Ўзбекистонда жангчи-интернационалчиларни хотирлаш куни нишонланди

15 февраль куни Русский культурный центр Узбекистана ҳамда Объединение VETERAN вакиллари томонидан Совет қўшинларининг Афғонистондан олиб чиқилганига бағишланган сана муносабати билан хотира тадбирлари ўтказилди.

Мазкур сана Ватан ҳудудидан ташқарида ҳарбий ва интернационал бурчини адо этган барча юртдошларни ёд этишга бағишланган.

Шу муносабат билан мамлакатнинг турли ҳудудларида жанговор ҳаракатлар қатнашчилари билан учрашувлар ташкил этилди, ёдгорлик ва мемориал мажмуалар пойига гулчамбарлар ҳамда гуллар қўйилди.

Жангчи-интернационалчилар Ўзбекистон армиясининг шарафли анъаналарини мустаҳкамлашга муносиб ҳисса қўшгани, шунингдек, жамоат-сиёсий ҳаётда, ветеранлар ҳаракатида ва ёшларни ватанпарварлик руҳида тарбиялаш ишларида фаол иштирок этиб келаётгани таъкидланди.