V Миллий меҳмондўстлик мукофоти ғолиблари аниқланди
14 феврал 2026 йили VII Hotel Business Forum 2026 доирасида меҳмондўстлик соҳасидаги V Миллий мукофотни топшириш маросими — туризм ва меҳмондўстлик индустриясида йил якунини белгилаб берувчи юбилей тадбири бўлиб ўтди.
Маросимни Ўзбекистон Республикаси Туризм қўмитаси раиси Абдулазиз Аккулов очиб берди ва туризмни ривожлантириш доимий равишда профессионал стандартларни ошириш, инновацияларни жорий этиш ҳамда мамлакатнинг замонавий қиёфасини шакллантира оладиган кадрларни тайёрлашсиз мумкин эмаслигини таъкидлади.
Мазкур мукофот 2021 йилдан бери Ўзбекистон Отелчилари ассоциацияси ташаббуси билан, Ўзбекистон Республикаси Туризм қўмитаси кўмагида ўтказиб келинади ва сервис маданиятини ривожлантириш, хизматлар сифатини ошириш ҳамда мамлакатимизни замонавий туристик йўналиш сифатидаги имижини мустаҳкамлашга қаратилган.
Мукофотлангандар орасида InterContinental Tashkent, Frankfort Expo Hotel, Crowned Plaza Tashkent, Misgaron Hotel ва Mövenpick Hotel Samarand каби объектлар бўлиб, улар «Тошкентдаги энг яхши бизнес-отель», «Энг яхши кичик отель», «Энг яхши эко-отель» ва «Маданий мерос объекти ҳудудидаги энг яхши отель» каби номинацияларда ғолиб бўлишди.
Бешинчи Миллий меҳмондўстлик мукофоти яна бир бор соҳадаги мутахассисларнинг юқори профессионаллик даражасини ҳамда Ўзбекистоннинг инновациялар, таълим ва инсонпарвар ёндашув асосида туризмни барқарор ривожлантиришга бўлган интилишини тасдиқлади.
Халқаро меҳмонхона брендлари Ўзбекистон меҳмонхона хизматлари бозорида ўз иштирокини фаол кенгайтирмоқда: 2026 йил 1 январ ҳолатига кўра мамлакатда IHG, Accor, Wyndham, Radisson, Hilton ва Hyatt каби глобал тармоқлар муваффақиятли фаолият юритмоқда.