Юк автомобили билан тўқнашув фожиаси: 22 ёшли велосипедчи ҳаётдан кўз юмди

Тошкент шаҳрининг Чилонзор туманида содир бўлган йўл-транспорт ҳодисаси бўйича аввалги маълумотлар Тошкент шаҳар ИИББ ЙҲХБ Ахборот хизмати хабар берди. Жорий йилнинг 15 февраль куни соат тахминан 18:00 ларда TXAY–Чорбоғ кўчалари кесишмасида HOWO русумли юк автомобили ва велосипед иштирокида йўл-транспорт ҳодисаси рўй берди. Маълумотларга кўра, 1969 йилда туғилган Ю.А. бошқарган юк автомобили худди шу йўналишда ҳаракатланаётган, 2004 йилда туғилган А.И. томонидан ҳайдалган велосипед билан тўқнашган. Тўқнашув оқибатида велосипед ҳайдовчиси олган оғир тан жароҳатлари натижасида воқеа жойида ҳалок бўлган.

Тошкент шаҳар ИИББ маълум қилишича, мазкур ҳолат юзасидан Ўзбекистон Республикаси Жиноят кодексининг 266-моддаси 2-қисми билан жиноят иши қўзғатилган ва ҳодиса бўйича тергов ҳаракатлари давом этмоқда. Ҳодисанинг аниқ сабаблари ва барча ҳолатлари тергов жараёнида ўрганилиши белгиланган.

Ҳуқуқни муҳофаза қилувчи органлар барча йўл ҳаракати иштирокчиларига қоидаларга қатъий риоя этиш, тезликни белгиланган меъёрдан оширмаслик, чарчоқ ҳолатида транспорт воситасини бошқармаслик ва йўлда янада эътиборли бўлиш зарурлигини яна бир бор эслатиб ўтди. Йўлларда эҳтиёткорлик ҳар бир инсон ҳаёти учун муҳим омил ҳисобланади.