Рамазон ойида бир марталик моддий ёрдам пули кимлар учун тўланади?

Президент қарорига кўра, Рамазон ойида қуйидаги чоралар амалга оширилади:

1. Бир марталик 1 миллион сўмлик моддий ёрдам

• “Ижтимоий реестр”нинг “давлат таъминотидаги оила” тоифасига киритилган оилалар;
• Ўзгалар парваришига муҳтож бўлган ёлғиз яшовчи ҳамда ёлғиз кексалар;
• Ногиронлиги бўлган шахслар реестридаги фуқаролар;
• Етим ва ота-она қарамоғидан маҳрум бўлган болалар яшаётган оилаларга тўланади.

2. Бир марталик 500 минг сўмлик моддий ёрдам

• “Ижтимоий реестр”нинг “камбағал оила” тоифасига киритилган оилалар;
• “Маҳалла еттилиги” томонидан шакллантирилган қўшимча рўйхатга киритилган эҳтиёжманд оилаларга берилади.

3. Тиббий харажатларни қоплаш

“Ижтимоий реестр”даги оилаларнинг 6 минг нафар бемор аъзоларининг даволаниши ва жарроҳлик амалиётлари билан боғлиқ харажатлари қоплаб берилади.

Ушбу чора-тадбирлар аҳолининг ижтимоий ҳимоясини кучайтириш ва Рамазон ойида эҳтиёжманд оилаларни қўллаб-қувватлашга қаратилган.