2026 йил январь ойида инфляция кўрсаткичларида пасайиш тенденцияси кузатилди

2026 йил январь ойи якунларига кўра, инфляциянинг базавий кўрсаткичларида пасайиш тенденцияси қайд этилди ва ҳисоблаб чиқилган муқобил индикаторлар нархлар ўсиш суръати секинлашаётганини кўрсатмоқда.

Жумладан, қисқартирилган истеъмол нархлари индекси (ИНИ) 4,0 фоизни ташкил этди. ИНИ медианаси эса 3,1 фоиз даражасида шаклланди. Ушбу кўрсаткичлар инфляция босимининг маълум даражада юмшаётганини англатади.

Шунингдек, истеъмол савати таркибида нархи ўсиши секинлашган товар ва хизматлар улуши ортиб бораётгани қайд этилмоқда. Яъни, умумий позицияларнинг 82 фоизида нархлар ўсиши суръати пасайган.