Умра мавсуми доирасида зиёратчилар учун белгиланган муҳим муддат ва чекловлар ҳақида маълумот берилди. Маълумот Ўзбекистон мусулмонлари идораси ҳузуридаги Ҳаж ва умра маркази томонидан тақдим этилган. Ҳаж мавсумининг бошланиш санаси бўйича қўшимча маълумотлар эълон қилиниши кутилмоқда.

Қайд этилишича, умра визаларини расмийлаштириш 2026 йил 19 март куни якунланади. Хорижлик зиёратчиларнинг Саудия Арабистони ҳудудига кириши учун сўнгги муддат 2026 йил 2 апрель этиб белгиланган.

Шунингдек, барча зиёратчилар 2026 йил 18 апрелга қадар мамлакат ҳудудини тарк этиши шарт. Мазкур сана жорий умра мавсумининг якуний муддати ҳисобланади.

Мутасаддилар томонидан таъкидланишича, виза муддатини бузиш ва белгиланган вақтдан ортиқча қолиш Саудия Арабистон қонунчилигига мувофиқ қатъий жазо чораларига сабаб бўлади.