10 мартдан метан заправкалар фаолиятига вақтинча чеклов жорий этилади

10 март куни соат 16:00 дан бошлаб Ўзбекистондаги метан газ қуйиш шохобчалари фаолиятига вақтинча чеклов жорий этилади. Бу ҳақда Энергетика вазирлиги хабар қилди.

Қайд этилишича, мазкур чора аввало аҳоли ва ижтимоий соҳа объектларини табиий газ билан барқарор таъминлаш мақсадида амалга оширилмоқда.

Шу билан бирга, ижтимоий соҳа муассасаларига хизмат кўрсатувчи ҳамда жамоат транспорти учун газ таъминоти чекловларсиз давом эттирилади.