«Куксарой» қароргоҳида Эмомали Раҳмонни тантанали кутиб олиш маросими бўлиб ўтди
Ўзбекистон Республикаси Президенти Шавкат Мирзиёев юксак меҳмонни самимий қарши олди ва уни минбарга таклиф қилди. Маросим давомида икки давлатнинг давлат байроқлари кўтарилди, фахрий қоровул саф тортди, ҳарбий оркестр Ўзбекистон ва Тожикистон давлат мадҳияларини ижро этди.
Давлат раҳбарлари фахрий қоровул сафини кўздан кечирдилар ва икки мамлакат расмий делегациялари аъзолари билан саломлашдилар.
Маросим ва қўшма суратга тушишдан сўнг Шавкат Мирзиёев ва Эмомали Раҳмон ўртасида музокаралар бошланди. Унда икки томонлама ҳамкорликнинг муҳим масалаларини муҳокама қилиш режалаштирилган.