Бўстонлиқда ҳайвонларга нисбатан шафқатсизлик учун жазо тайинланди
Тошкент вилоятининг Бўстонлиқ туманида мушук болаларига нисбатан шафқатсиз муносабатда бўлган шахсларга нисбатан суд ҳукми чиқарилди.
Суд қарорига кўра, 33 ёшли М.Ш.га нисбатан Маъмурий жавобгарлик тўғрисидаги кодекснинг 111-моддаси (ҳайвонларга нисбатан шафқатсиз муносабатда бўлиш) асосида 15 сутка маъмурий қамоқ жазоси тайинланди.
Шунингдек, 30 ёшли А.А.га нисбатан Маъмурий жавобгарлик тўғрисидаги кодекснинг 220¹-моддаси (қуролнинг қонунга хилоф муомаласи) бўйича 10 сутка маъмурий қамоқ жазоси қўлланилди.
Мутахассислар таъкидлашича, ҳайвонларга нисбатан шафқатсиз муносабат учун қонунчиликда жавобгарлик муқаррар ҳисобланади. Маъмурий жазо қўлланилгандан сўнг бундай ҳуқуқбузарликлар такроран содир этилса, жиноий жавобгарликка сабаб бўлиши мумкин.