Саида Мирзиёева Мар-а-Лагода Сержио Гор билан учрашди

Президенти администрацияси раҳбари Саида Мирзиёева АҚШ президенти Дональд Трампнинг Флоридадаги Мар-а-Лаго қароргоҳи ва хусусий резиденциясига ташриф буюрди. У ерда АҚШ президентининг Жанубий ва Марказий Осиё бўйича махсус вакили Сержио Гор билан учрашув ўтказди, дея хабар берди у ўзининг Telegram каналида.

Саида Мирзиёева ва Сержио Гор Америка-Ўзбекистон ишбилармонлик ва инвестиция кенгашининг ҳамраислари ҳисобланади.

«Самимий меҳмондўстлик ва илиқ қабул учун чин дилдан миннатдорлик билдираман. Бўлиб ўтган мазмунли ва конструктив мулоқотни юксак қадрлайман ҳамда яқин кунларда Вашингтонда самарали учрашувлар ўтказилишига умид қиламан», — дея таъкидлади ПА раҳбари.

Эълон қилинган суратда, шунингдек, АҚШ президентининг қизи Тиффани Трамп ва унинг турмуш ўртоғи Майкл Булос ҳам акс этган.