Амир Темур таваллудининг 690 йиллигига бағишланган тангалар муомалага чиқарилди

Ўзбекистон Республикаси Марказий банки томонидан буюк давлат арбоби ва саркарда Амир Темур таваллудининг 690 йиллиги муносабати билан эсдалик тангалари сотувга чиқарилди.

Маълум қилинишича, мазкур нумизматика намуналари миллий тарихни улуғлаш ва маданий меросни кенг тарғиб этиш мақсадида зарб этилган. Тангаларда тарихий шахснинг мероси ва давлати ривожига қўшган ҳиссаси ифодаланган.

Мутахассислар таъкидлашича, бу каби эсдалик тангалари нафақат коллекционерлар, балки кенг жамоатчилик учун ҳам тарихий қимматга эга бўлиб, миллий қадриятларни асрашга хизмат қилади.

Таъкидланишича, тангалар чекланган миқдорда муомалага чиқарилиб, белгиланган тартибда сотувга тақдим этилмоқда.