[ madaniyat ] 28 May 2026
Президент қарори асосида 10 минг нафар болага тиббий ёрдам кўрсатилади
Қурбон ҳайити арафасида қабул қилинган Президент қарори асосида мамлакатда 10 минг нафардан ортиқ бемор болага тиббий ёрдам кўрсатилиши режалаштирилмоқда. Мутахассислар фикрича, мазкур ташаббус кўплаб оилаларга умид ва қувонч олиб кириши мумкин.
Таъкидланишича, ушбу имкониятдан нафақат эҳтиёжманд оилалар фарзандлари, балки даволанишга муҳтож бўлган бошқа болалар ҳам фойдаланиши мумкин. Айни пайтда тиббий кўриклар, даволаш жараёнлари ва жарроҳлик амалиётлари бошлаб юборилган.
Соғлиқни сақлаш вазирлиги матбуот хизмати маълумотига кўра, ишлар Республика болалар миллий тиббиёт марказида амалга оширилмоқда. Бу ерда болаларнинг соғлиғини тиклаш ва юқори технологияли тиббий хизматлар кўламини кенгайтиришга алоҳида эътибор қаратилмоқда.