Ўзбекистонда 4,8 миллион нафар аҳоли кўп қаватли уйларда истиқомат қилади

Аҳоли ва қишлоқ хўжалигини рўйхатга олишнинг дастлабки натижаларига кўра, Ўзбекистон аҳолисининг 12,4 фоизи кўп қаватли уйлардаги хонадонларда яшайди.

Маълумотларга мувофиқ, мамлакатда 4,8 миллион нафар фуқаро кўп қаватли уйларда истиқомат қилмоқда.

Шу билан бирга, аҳолининг асосий қисми — 33,3 миллион нафар ёки 85,3 фоизи шахсий якка тартибдаги ҳовли-жойларда яшайди.

Қолган 927,3 минг нафар, яъни аҳолининг 2,3 фоизи эса бошқа турдаги турар жойларда истиқомат қилади. Бу тоифага дала ҳовлилари, ётоқхоналар, меҳмонхоналар ҳамда бошқа яшаш жойлари киради.

Дастлабки ҳисоб-китоблар мамлакатда хусусий ҳовлиларда яшовчилар улуши ҳали ҳам устунлигини сақлаб қолаётганини, бир вақтнинг ўзида кўп қаватли уйларда истиқомат қилувчилар сони ҳам салмоқли эканини кўрсатмоқда.