Аичи-Нагоя-2026, оғир атлетика. Акбар Жўраев жаҳон рекордини ўрнатган ҳолда Осиё Ўйинлари чемпионига айланди
Оғир атлетика бўйича эркаклар ўртасида 110 кг вазн тоифасида мусобақа якунига етди. Ўзбекистонлик спортчи Акбар Жўраев катта фарқ билан чемпионликни қўлга киритди.
Ҳамюртимиз даст кўтаришда 197 кг штанга билан жаҳон рекордини ўрнатди. Ушбу йўналишда у энг яқин таъқибчисини 8 килограммга ортда қолдирди.
Акбар Жўраев силтаб кўтариш йўналишнинг илк уринишида 226 кг тошни боши узра баланд кўтариб, иккикураш бўйича 423 кг. вазн билан олтин медални нақд қилиб қўйди. Ушбу натижа силтаб кўтариш ва иккикураш бўйича Осиё Ўйинлари рекорди ҳисобланади.
Иккинчи ўринни туркманистонлик Шаҳзодбек Матёқубов эгаллаган бўлса (410 кг), бронза медали хитойлик Лью Хуанхуага насиб этди (405 кг).
Манба: stadion.uz