Рамазон Темиров иштирок этган UFC 333 турнири жангчиларининг гонорарлари маълум бўлди
У Мовсар Евлоевни нокаут эвазига мағлуб этиб, чемпионлик камарини муваффақиятли ҳимоя қилганидан сўнг 1 миллион 185 минг доллар гонорага эга бўлган. У турнир иштирокчилари орасида бир миллион доллардан ортиқ ҳақ олган ягона жангчи бўлди. Волькановски кечанинг энг яхши нокаути учун қўшимча 100 минг доллар бонусни ҳам қўлга киритди.
UFC 333 турнири Абу Даби шаҳрида бўлиб ўтди. Мусобақа доирасида иккита чемпионлик жанги ташкил этилди. Волькановски ва Евлоев ярим енгил вазн тоифасидаги камар учун октагонга кўтарилган бўлса, Петр Ян ва Мераб Двалишвили ўртасида энг енгил вазн тоифасидаги чемпионлик жанги бўлиб ўтди.
Россиялик жангчи грузиялик рақибини мағлуб этиб, UFC энг енгил вазн тоифасидаги чемпионлик камарини сақлаб қолди.
Юқори суръатда кечган жангда Двалишвили мунтазам равишда рақибини партерга ўтказишга уринди. Бироқ Ян тик туриб жанг қилишда устунликка эришди ва рақибига сезиларли зарбалар йўллади. Якунда ҳакамлар бир овоздан Яннинг ғалабасини қайд этди.
Петр Ян ушбу ғалабаси учун 920 минг доллар, Мераб Двалишвили эса 550 минг доллар гонорарга эга бўлган. Бу беллашув оқшомнинг энг яхши жанги деб топилгани туфайли ҳар икки жангчи ҳам 100 минг долларлик бонусни қўлга киритди.
Шунингдек, турнирнинг асосий кардида ўзбекистонлик Рамазон Темиров британиялик Лонер Каванага қарши жанг қилди ва мағлуб бўлди. “Темурлан” турнирдаги иштироки учун 61 минг доллар гонорар олди. Унинг рақиби Кавана эса 246 минг долларни қўлга киритди.
Шунингдек, оғир вазн вакили Александр Вольков, ярим енгил вазн жангчилари Арон Пико ва Лосене Кейта асосий кардда ғалабага эришди.