Бадиий гимнастика. Тахмина Икромова Тошкентдаги жаҳон кубогида 2-ўринни эгаллади

Бадиий гимнастика бўйича Ўзбекистон терма жамоаси Тошкентда ўтаётган Жаҳон кубоги босқичида ўзининг дастлабки медалини қўлга киритди.

Унга жамоа етакчиси Тахмина Икромова муаллифлик қилди. Ҳамюртимиз кўпкураш дастурида роппа-роса 135 балл билан кумуш медалга сазовор бўлди. Энди у эртага яккалик йўналишидаги барча машқларда (4 та) ўтадиган финал дастурида медаллар учун курашни давом эттиради.

1. Даря Варфоломеев (Германия) — 135.95
2. Тахмина Икромова (Ўзбекистон) — 135.00
3. Боряна Калейн (Болгария) — 133.25

Манба: olympic.uz