Тарихда илк бор ўзбекистонлик ММА жангчиси UFC рейтингидан жой олди

Янгиланган рейтингдан ярим оғир вазн тоифасидаги ўзбекистонлик жангчи Богдан Гусков ҳам жой олди.

UFC Вегас 91 турнирида Раян Спенни нокаутга учратган Богдан рейтингда 12-поғонани банд этди. Гусковга мағлуб бўлган Раян эса 15-ўринга тушди.

Маълумот учун шу кунга қадар ҳеч бир ўзбекистонлик ММА жангчиси UFC рейтингига киритилмаган эди.

Эслатиб ўтамиз, Гусков промоушендаги дебютини швейцариялик Волькан Ўздемирга қарши ўтказиб, мағлуб бўлганди. Иккинчи жангда эса АҚШ вакили Зак Паугани нокаутга учратганди.

Манба: www.daryo.uz